ترنيمة اة يا وجعى - ايرينى ابو جابر † خصيصا عن احداث نجع حمادى

الترنيمه
كلمات الشاعر : رمزى بشاره
ألحان الفنان : سامح عبيد
هندسه صوتيه المتميز : هانى ثابت
توزيع وميكساج المبدع : جورج رمزى

ترنيم المرنمه صاحبة الإحساس الرائع والصوت القوى
إيرينى آبو جابر

قمنا بالكتابه والتلحين فى مصر
وسجَّلنا فى الأردن
وقمنا بعمل الميكساج فى إستراليا

خصيصاً عن أحداث نجع حمادى



كلمات الترنيمة

أد إيه قلبى وَجَعنى ... لما أخدوا مِنِّى وَلدى
يا عدرا ده إنتى أم يعنى ... دُقتى هَمِّى ودَمع خَدِّى
آه يا وَجَعى يا مَرارى
يا إلَهى طَفِّى نارى
مش باأقول هاأخد بتارى
بَس عَدلك هُوَّ قَصدى



1-نِفسى بنتى لمَّا تُخرُج تيجى تانى بالسَّلامه
وأبقى مش خايفه عليها مـ المَشاكل والمَخاطر
نِفسى أى وشُوش حزينه تلقى تانى الإبتسامه
نِفسى لِلعِشرَه إللى بيننا نِبقَى نِعمل ألف خاطِر
مِد إيدَك يا رَجايا
ياللى بيك كُل الحِمايه
قول لهم إنَّك معايا
أصلهم فاكرينى وَحدى

2-إيه إللى يمنَع نِبقَى واحد رَغم أى فروق فى ديننا
ياللا إيدَك وَيَّا إيدى نحُط للكَراهِيَّه آخر
أنا إيرينى وإنتى فاطمه بس حُب كبير ما بيننا
إفهموا ده الله مَحَبَّه زى ما هُو رحمن وغافِر
قُولوا للظَّالِم كِفايه
ذنبُهُم إيه الضَّحايا
باأتطِحِن تحت الرَّحايه
يا إلَهى خُد بِيَدِّى



نيجى بقى للتحميل

Quality || 320Kbps

Format || MP3

Size || 7.24 MB

حـمـل مـن هـنـا




ترنيمة اة يا وجعى